NBCBankdan kompensasiyalarını almayan müştərilərə müraciət: \"Xahiş edirik ki...\"
Azərbaycan Respublikasının Prezidenti Cənab İlham Əliyev tərəfindən 28 fevral 2019-cu il tarixində imzalanmış "Fiziki şəxslərin problemli kreditlərinin həlli ilə bağlı əlavə tədbirlər haqqında” fərmanının icrası 31 may 2019-cu il tarixində başa çatıb. Amma hələ də ona düşən kompensasiyanı gəlib almayan vətəndaşlar var. Həmin vətəndaşlar kompensasiyalarını ilin sonuna qədər götürə bilərlər. Bu barədə Azərbaycan Respublikasının Maliyyə Bazarlarına Nəzarət Palatasının ictimaiyyətə verdiyi açıqlamasında da görmək olar.
Maliyyə Bazarlarına Nəzarət Palatasının ictimaiyyəti maarifləndirmə məqsədi ilə gördüyü bütün tədbirlərdə aktiv iştirak edən NBCBank, problemli krediti olan müştərilərə aidiyyəti üzrə kompensasiyasının ödənilməsinə barədə son məlumatı təqdim edirik.
500 manata qədər və yuxarı olan kompensasiyaların məbləğləri çatacaq müştərilərin cari hesablarına və kart hesablarına 100% həcmində köçürülüb. Problemli krediti olan vətəndaşlardan xahiş olunur ki, ödəniləcək kompensasiyanı almaq üçün NBCBanka yaxınlaşsınlar. Kompensasiya ilə paralel olaraq restrukturizasiya işləri də görülür. Bununla əlaqədar NBCBank xüsusi gücləndirilmiş iş qrupu da yaradıb.