"Bunlardan biri 1 milyard Azərbaycan manatı mövcud kredit portfelinə dəstək proqramıdır. Proqramın mahiyyəti ondan ibarətdir ki, bir sıra sahibkarların, müəssisələrin bank kreditləri var və bu bank kreditlərinin portfelinin keyfiyyətinin qorunub saxlanılsın. Hazırda bu portfelin içərisində olan elementləri bank sektoru ilə - Mərkəzi Bankla, Azərbaycan Bank Assosiasiyası, Sahibkarlar Konfederasiyası və digər subyektlərlə çalışacağıq. Ancaq əsas hədəf yəqin ki, biznes kreditləri olacaq. Ola bilsin ki, həmin proqram çərçivəsində müəyyən həcm istehlak kreditlərinin dəstəyinə aid olsun.

Bu proqramın mahiyyəti ondan ibarətdir ki, dövlət bu proqramı çərçivəsində xüsusi meyarlara cavab verən,  mənfi təsirlərə məruz qalan  sektorları əhatə edən, 9-10 mart tarixindən əvvəl götürülmüş, vaxtlı-vaxtında indiyədək xidmət olunan kreditlərə və qeyd etdiyim meyarlara cavab verən kreditlər portfelinə baxaraq onların faizlərin ödənilməsində yükü 10% dərəcəsinə  qədər - 13-14% civarında ola bilər – biznes kreditlərinin dövlət tərəfindən Sahibkarlığa Kömək Milli Fondu vasitəsilə  həmin faizlərin ödənilməsinə dəstək verməkdən söhbət gedir. Beləliklə, bu 1 milyard kredit portfelini sahibkarlara dəstək proqramı kimi görürük". 

 

(qafqazinfo)