Müşviq Ələsgərli: “Qəzetçiliyin dövrü hələ başa çatmayıb”
12:30 / 10.02.2019
2594
Mətbuat Şurasının sədr müavini, Jurnalistlərin Həmkarlar İttifaqının sədri Müşviq Ələsgərli deyir ki, dünyada informasiya alıcılarının 40-50 faizini qəzet oxucuları təşkil edir.
"Qəzetlər informasiyalarının oxuculara çatması üçün kommunikasiya texnologiyalarında yeniliklər etməlidirlər”. Bunu çap mediasının vəziyyəti haqqında danışarkən Mətbuat Şurasının sədr müavini, Jurnalistlərin Həmkarlar İttifaqının sədri Müşviq Ələsgərli deyib.
O bildirib ki, dünyanın bir çox ölkələrində ənənəvi media onlayn media ilə rəqabət aparır və kifayət qədər də oxucu kütləsinə malikdirlər:
"Dünyada informasiya alıcılarının 40-50 faizini qəzet oxucuları təşkil edir. Bu onu göstərir ki, qəzetçiliyin dövrü hələ başa çatmayıb. Sosial şəbəkə və onlayn mediadan yayılan xəbərlərin 40-60 faizə qədəri yalan xəbərlər olur. Azərbaycanda olan qəzetlər də kommunikasiya texnologiyalarında yeniliklər etməlidirlər. KİVDF-nin qərarları zamanın tələblərinə uyğun qərarlar verir. Bu qərarlar da çap mediasını yayım texnologiyasını yeniləməyə sövq edir”. sputnik.az