Müdafiə Nazirliyindən erməni əsgərin yaralanması xəbərinə REAKSİYA
Erməni hərbi qullquçu Ermənistan ordusunda hökm sürən özbaşınalıq nəticəsində yaralanıb.
Bunu Milli.Az-ın sorğusuna cavab olaraq Müdafiə Nazirliyinin mətbuat xidmətindən bildiriblər.
Nazirlikdən qeyd ediblər ki, Ermənistan KİV-nin iyul ayının 23-nə keçən gecə saat 00:10-da guya Azərbaycan silahlı bölmələrinin atəşkəs rejimini pozması nəticəsində erməni hərbi qulluqçusu Mqer Çiloyanın yaralanması barədə yaydığı məlumat həqiqətə uyğun deyil:
"Bir daha bildiririk ki, Azərbaycan Silahlı Qüvvələri atəşkəs rejiminə riayət etməklə cəbhə xətti boyu əməliyyat şəraitinə tam nəzarət edir.
M.Çiloyanın yaralanmasının Ermənistan ordusunda hökm sürən özbaşınalıqlar və nizamnamədən kənar münasibətlər səbəbindən baş verməsi şübhə doğurmur".
Qeyd edək ki, erməni KİV-lərinin yaydığı xəbərə görə, iyulun 23-nə keçən gecə qoşunların qarşıdurma xəttində erməni əsgəri 1991-ci il təvəllüdlü Mqer Çiloyan güllə yarası alıb.
Yaralı xəstəxanaya yerləşdirilib.