"Rusiyanın Ermənistana satdığı təbii qazın qiymətlərini artırmasına cavab olaraq, erməni hökumətinin daxili tarifləri qoruyub saxlamaq cəhdləri "saatlı bomba” effekti yaradacaq”.

Bunu erməni iqtisadçı Vahe Davtyan deyib.

Ekspert hesab edir ki, Ermənistan hökumətinin əhaliyə satılan qazın daxili qiymətlərini qorumaq səyləri böyük borclanmaya səbəb olacaq:

"Əlbəttə, qaz iqtisadiyyatdakı sabitliyi qorumaq üçün əsas faktorlardan biridir. Buna görə də, Rusiyanın Ermənistana satdığı qazın qiymətlərini artırmasına adekvat olaraq, hökumətin daxili tarifləri qoruyub saxlamaq səyləri elektrik sistemini borc bataqlığına sürükləyə bilər. Əgər Rusiya qazın qiymətlərini artıracaqsa, bu zaman elektrik enerjisinə olan tələbat çoxalacaq. Bu da böyük borclanma deməkdir.

Ermənistan belə bir təcrübəyə malikdir. 2011-ci ildə buna oxşar qərar veriləndə, elektrik sistemində böyük borclanma yarandı. Nəticədə 2013-cü ildə "ArmRosqazprom” 20 faizlik hissəsini itirdi, üstəgəl "Qazprom”a olan borcu ödəməli idi.

Beləliklə, Ermənistan özünün müstəqil qaz nəqli siyasətini itirdi. Moskva tərəfindən dəfələrlə həyata keçirilən ssenari təkrarlansa, bomba effekti yaradacaq”.Teleqraf.com