Misir Səudiyyəyə verdiyi iki adanı öz torpağı elan etdi
17:03 / 16.01.2017
867
Misir Səudiyyə Ərəbistanına verdiyi iki adanı öz torpağı elan edib.
Ölkə.Az xəbər verir ki, Ali Məhkəmə Səudiyyə Ərəbistanı və Misir arasındakı sərhəd müqaviləsini ləğv edərək mübahisəli Tiran və Sanafir adalarının Misir torpağı olduğu barədə hökm çıxarıb.
Misir dövlət televiziyası ilə birbaşa yayımlanan məhkəmə prossesində hakimlər kollegiyasının sədri hakim Ahmed Şazli son qərarını verib. Qərarda deyilir: "Məhkəmə Tiran və Sanafir adalarının Misir torpağı olduğu qənaətinə varıb".
Qərar elan edildikdən sonra məhkəmə salonunda "Yaşasın azad Misir adaları", "Biz bu torpağın sahibiyik", "Başını qaldır, sən misirlisən" şüarları səslənirilib.
Qeyd edək ki, Səuiyyə kralı Salman bin Abduləzizin 2016-cı il aprel ayına Misir səfəri əsnasında iki ölkə arasında imzalanan Qırmızı dəniz sərhəd müqaviləsinə əsasən Tiran və Sanafir adaları Səudiyyə Ərəbistanına keçmişdi. Müqavilə iyun ayında Misir məhkəməsi tərəfindən ləğv edilmişdi.