\"Meydan TV\" satıldı
17:49 / 14.03.2018
8157
Azərbaycan dövləti və xalqı əleyhinə təxribat və gözdənsalma fəaliyyəti ilə tanınan "Meydan TV" internet resursu hazırda Almaniyada mühacir həyatı yaşayan Milli Məclisin sabiq deputatı, iş adamı Hüseyn Abdullayevin nəzarətinə keçib.
Bu barədə Sfera.az-a Almaniyada fəaliyyət göstərən diaspora təşkilatı üzvlərindən məlumat daxil olub.
Məlumatda deyilir ki, baş ofisi Almaniyanın Berlin şəhərində yerləşən "Meydan TV"-nin maliyyəsi bundan sonra sabiq deputat Hüseyn Abdullayev tərəfindən ödəniləcək.
"Hüseyn Abdullayev ilə "Meydan TV"-nin sahibi Emin Milli arasında keçirilən görüşdə bununla bağlı razılıq əldə olunub. Razılığa əsasən, "Meydan TV" siyasi kursunu Hüseyn Abdullayevin verdiyi tapşırıqlara uyğun həyata keçirəcək", - deyə məlumatda bildiririlir.
Hüseyn Abdullayevin "Meydan TV"-yə aylıq 50 min avro pul ödəyəcəyi bildirilir.
Xatırladaq ki, "Meydan TV" 10 mart 2013-cü ildə Emin Milli, Həbib Müntəzir və Camal Əli tərəfindən yaradılıb. Kanalın sahibi hazırda Almaniyada yaşayan Emin Millidir.
"Meydan TV" zaman-zaman Avropada fəaliyyət göstərən erməni lobbisinin maliyyə dəstəyi ilə bir sıra layihələr də həyata keçirib. Bunların arasında "Meydan TV"-nin Ermənistanın işğalçılıq siyasətinə don geyindirməyə hesablanan materialları göstərmək olar.
Orxan Bəşirov
