11-ci sinif şagirdini küçədə bıçaqlayıblar.

Sfera.az xezerxeber.az-a istinadən bildirir ki, hadisə Gəncədə olub. 17 yaşlı Elnur Bağırov şəhərin Tağı Arani küçəsində ürəyindən bıçaqlanıb. O, xəstəxanaya yerləşdirilsə də, həkimlər onun həyatını xilas edə bilməyib. Elnur Bağırovun kim tərəfindən hansı şəraitdə bıçaqlanması hələlik məlum deyil. Faktla bağlı araşdırma aparılır.

Şirvanda isə sərnişin taksi sürücüsünü bıçaqlayıb.

Hadisə Şirvan Diaqnostika Mərkəzinin qarşısında qeydə alınıb. Sərnişin, 39 yaşlı Teymur Əliyev taksi sürücüsü, 31 yaşlı Afiq Novruzovun boğaz nahiyəsinə 2 bıçaq xəsarəti yetirib. Yaralı ağır vəziyyətdə diaqnostika mərkəzinə yerləşdirilərək əməliyyat olunub. Yaralıının çoxlu qan itirdiyi bildirilir. Hadisəni törədən Teymur Əliyev polis tərəfindən saxlanılıb.