Bankların kredit şərtlərini sərtləşdirməsi lombard müştərilərinin sayını artırıb. 

Yəni, vətəndaşlar iş yerindən arayış, sənəd təqdim etmədən yalnız girov qoymaqla lombarddan lazımı məbləği götürürlər. Bəs lombarda getmək vətəndaşlara sərf edirmi? Orda borca görə aylıq ödəniş nə qədərdi?

Kredit şərtlərinin çətinləşməsi nəticəsində banklardan kredit ala bilməyənlər lombardlara üz tutur.

Pulu asanlıqla götürmək mümkün olsa da, aylıq ödəniş xeyli çətinlik yaradır. Lombarda aylıq ödənişin də faizi demək olar ki, 3 dəfə artıb.

Əslində lombardlar lisenziya almadan, yalnız qeydiyyatdan keçərək fəaliyyət göstərirlər. Ekspertlər deyir ki, lombardların məsuliyyətini artırmaq üçün lisenziya şərt olmalıdır.