Ölkədə işsizlərin sayı azalıb
14:02 / 15.09.2021
613
2021-ci il sentyabrın 1-i vəziyyətinə ölkəmizdə iqtisadi fəal əhalinin sayı 5,295 milyon nəfər olub, onlardan 4,965 milyon nəfərini məşğul əhali təşkil edib.
Sfera.az bildirir ki, qeyd edilən tarixdə işsizlərin sayı 330 min olub və işsizlik səviyyəsi 6,23 faizə enib.
Xatırladaq ki, ölkəmizdə avqustun 1-də 341 min, ilin əvvəlində isə 376 min işsiz var idi. İlin əvvəlində işsizlik səviyyəsi 7,2 faiz, avqustun 1-də 6,64 faiz olmuşdu.
İlin əvvəlindən işsizlik səviyyəsi azalsa da, 2019-cu illə müqayisədə hələ də yüksəkdir. 2019-cu ildə işsizlik səviyyəsi 4,8 faiz olub.
Vasif
Sfera.az
