Dünya

Kral əyləncəyə 23 milyard dollar ayırdı

Kral əyləncəyə 23 milyard dollar ayırdı
Səudiyyə Ərəbistanının Kralı Salman bin Əbdüləziz Al Səud paytaxt Ər-Riyadda dörd idman-əyləncə layihəsinə 23 milyard dollar ayırıb.

AZƏRTAC Səudiyyə Ərəbistanının SPA agentliyinə istinadla xəbər verir ki, layihələr park, idman və incəsənət obyektlərinin tikintisini nəzərdə tutur. Kral Salman bin Əbdüləziz Al Səud bu sərəncamı ilə vəliəhd şahzadə Məhəmməd bin Salmanın təşəbbüslərini dəstəkləyib.

Layihələrin arasında ən böyüyü 7,5 milyon ağacın əkiləcəyi və geniş abadlıq işlərinin aparılacağı "Yaşıl Ər-Riyad” proqramıdır. Bu tədbirlər paytaxtın yaşıl sahəsini 1,5 faiz artırmağa və 2030-cu ilədək 541 kvadrat kilometrə çatdırmağa imkan verəcək.

Digər mühüm layihə isə şəhərin mərkəzində böyük "Sports Boulevard” sağlamlıq-istirahət mərkəzidir. Burada 135 kilometr uzunluğunda velotrek, müxtəlif idman növləri üzrə obyektlər tikiləcək. Mərkəz paytaxt əhalisinin bütün təbəqələri üçün nəzərdə tutulub.

Daha bir layihə "Riyadh Art” incəsənət mərkəzidir. Burada dünyanın ən böyük "divarsız açıq hava qalereyası”, konsert salonları tikiləcək.

Bütün obyektlərin tikinti işləri cari ilin ikinci yarısında başlayacaq.

XƏBƏR LENTİ

«    Aprel 2019    »
B.eÇ.aÇC.aC.Ş.B
1234567
891011121314
15161718192021
22232425262728
2930