İş axtaranlar üçün qəribə iş təklifi - Yaşı 21-dən yuxarı olanlar üçün - VİDEO
Pivə iç, pul qazan... Amerika Birləşmiş Ştatlarında pivə istehsalı ilə məşğul olan şirkətlərdən birinin verdiyi belə bir elan, qısa müddət ərzində böyük marağa səbəb olub.
Elanı görənlər əvvəl təəccüblənib, bunun bir zarafat olduğunu düşünsələr də, daha sonra işin ciddiyətinin fərqinə varıblar. Hazırda həmin şirkət tərəfindən 3 uyğun namizədin axtarışına başlanılıb. İşə qəbul olunacaq şəxslərin qarşısında duran əsas vəzifə - dünyanı gəzmək, müxtəlif pivə festivallarında iştirak etmək, pivə fabriklərini, barları dolaşaraq həmin yerlərdə təqdim olunan müxtəlif pivələrin dadına baxaraq, həmin içkilər haqqında olan fikirlərini sosial şəbəkədə paylaşmaq və görüntüləri firmanın saytına yükləməkdən ibarət olacaq. Bu qəribə işin qarşılığında isə həmin şəxslərə ayda 12 min dollar ödəniləcək. Üstəlik səyahət xərcləri də şirkət tərəfindən ödəniləcək.
Qeyd edək ki, işə qəbul olunmaq istəyən şəxslərin yaşının 21-dən yuxarı olması və səyahət üçün hər hansı bir əngəlinin olmaması şərtdir.