İqtİsadİyyat

“InvestAZ”-dan dünya maliyyə bazarları ilə bağlı həftəlik analiz

“InvestAZ”-dan dünya maliyyə bazarları ilə bağlı həftəlik analiz
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Amerika hökümətinin yeni sərt xarici ticarət siyasətinin əmək bazarında işsizlik səviyyəsinin 4%-ə kimi artmasına təsir etməsi xəbərlərindən sonra dolların aparıcı valyutalara, həmçinin avroya qarşı qiyməti ucuzlaşmağa başlayıb. Beləliklə, 1.1760$-ın üzərində ticarət edilən EUR/USD məzənnəsi 1.1851$-a kimi də bahalaşa bilər.

Bununla yanaşı, cümə axşamı Bakı vaxtı ilə saat 16:30-da açıqlanacaq Amerikanın inflyasiya ilə bağlı önəmli fundamental göstəriciləri də investorların diqqət mərkəzindədir.

GBP

GBP/USD məzənnəsi də dolların ucuzlaşması fonunda dəyər qazanmaqdadır. 1.3300$-a təklif edilən funt sterlinq 1.3318$-ı da yuxarı istiqamətdə qırarsa, 1.3362$ və 1.3472$-a kimi bahalaşa bilər.

Çərşənbə axşamı saat 12:30-da yayımlanacaq İngiltərənin sənaye sektoru ilə bağlı statistik məlumatların da məzənnəyə güclü təsir edəcəyi gözlənilir.

TRY

Türkiyə maliyyə bazarlarında isə USD/TRY məzənnəsi 4.57TL-yə ticarət edilir və 4.55TL-ni də aşağı istiqamətdə qırarsa, 4.48TL-yə kimi ucuzlaşa bilər.

OIL

Dolların ucuzlaşması, enerji bazarlarında da Avropanın Brent nefti qiymətinin dəyər qazanmasına təsir edir. Təhlillərə əsasən, bir barel üzrə qiymət 77.55$-ı da yuxarı istiqamətdə qırarsa, 78.50$-a kimi dəyər qazana bilər. Bu həftənin çərşənbə günü saat 18:30-da yayımlanacaq ABŞ-ın neft ehtiyatları ilə bağlı statistik məlumatların da qiymətə güclü təsir edəcəyi gözlənilir.

GOLD

Əlvan metallar bazarlarında qızılın qiyməti 1259$-a (40.4 $/qram) kimi dəyər qazanıb. Burada isə bir unsiya üzrə qiymət 1261$-ı (40.5 $/qram) yuxarı istiqamətdə qırarsa, 1273$-a (40.8 $/qram) kimi bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

"İnvest-AZ İnvestisiya Şirkəti” QSC-nin Analitika Departamenti

"İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və "İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

 
AdRiver

XƏBƏR LENTİ