Xəbər verdiyimiz kimi, CHP-dən olan siyasətçi Əkrəm İmamoğlu İstanbul bələdiyyəsinin rəhbəri seçilib.

Qələbəsini elan edən İmamoğlu mətbuat konfransı keçirib.

Onun sözlərinə görə, rəqibi Binəli Yıldırımla aralarından olan səs fərqi 25 min 755-dir: "Mərkəzi Seçki Komissiyasının bizim hesablamamızla üst-üstə düşən rəqəmləri ictimaiyyətə açıqlaması demokratiya, ölkədə gedən proseslərə müsbət şəkildə təsir etmə və əsas da insanların ürəyinə su səpməsi baxımından çox dəyərli idi. Buna görə onlara təşəkkür edirəm. Son nəticəyə görə, bizə 4 milyon 168 min 546 səs verilib. Rəqibə isə 4 milyon 142 min 791 səs verilib. Qısası, aradakı fərq 25 min 755-dir”.

Ə. İmamoğlu jurnalistlərdən birinin prezident Rəcəb Tayyib Ərdoğanın 1994-cü ildə səsləndirdiyi "İstanbulu almaq, Türkiyəni, dünyanı almaqdır” fikrinə münasibətində isə bildirib ki, o, İstanbulun 16 milyon əhalisinin könlünü qazanıb.