ARB TV-nin "Hüseynova bacıları” verilişinin növbəti qonağı Dana ləqəbi ilə tanınan müğənni Durdanə olub.

Müğənni oğlunun "YouTube”da yazdığı şərhdən danışıb:

"Bir izləyici mənə zəng edib dedi ki, oğlunuz "YouTube”da həmin videonun aşağısındakı şərh bölməsinə yazıb. İzləyicilər yazıb ki, bu xanımın hekayəsinə qulaq asdıq, yəqin övladı ilə görüşər. Oğlum isə "Hamınız amin, amin yazırsınız, amma mən istəmirəm, 2 ildən sonra mənə heç kəs lazım olmayacaq” yazıb.

Bunu oxuyanda çox pis oldum. Kaş o şərhi yazmazdı. Fikirləşirdim ki, bir gün fikri dəyişər və gələr. 16 yaşı olmasına baxmayaraq, yenə də onu qucağıma alardım. Övladın böyük və ya balaca olması heç nəyi dəyişmir, o mənim yenə də övladımdır. Heç nə deyə bilmərəm, yenə də onu çox gözləyirəm. Bəlkə də hər gün onun üçün etdiyim duam övladımı həyatda yüksəldir”.