İlham Əliyev 3 sərəncam imzaladı
15:36
Azərbaycan Respublikası Prezidenti İlham Əliyev Ağalar Vəliyevin 2-ci dərəcəli "Vətənə xidmətə görə” ordeni ilə təltif edilməsi haqqında sərəncam imzalayıb.
Sfera.az xəbər verir ki, sərəncama əsasən, Azərbaycan Respublikasında tikinti sahəsində səmərəli fəaliyyətinə görə Ağalar İsrəfil oğlu Vəliyev 2-ci dərəcəli "Vətənə xidmətə görə” ordeni ilə təltif edilib.
***
Azərbaycan Respublikası Prezidenti İlham Əliyev Əvəz Ələkbərova "Əməkdar müəllim” fəxri adının verilməsi haqqında sərəncam imzalayıb.
Sərəncama əsasən, Azərbaycanda təhsil sahəsində səmərəli fəaliyyətinə görə Əvəz Əkbər oğlu Ələkbərova "Əməkdar müəllim” fəxri adı verilib.
***
Prezident İlham Əliyev F.S.Hacıyevin 2-ci dərəcəli "Vətənə xidmətə görə” ordeni ilə təltif edilməsi haqqında sərəncam imzalayıb.
Bu barədə Prezidentin mətbuat xidməti məlumat yayıb.
Sərəncamda qeyd edilir: Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:
Azərbaycan Respublikasında dövlət qulluğunda uzunmüddətli səmərəli fəaliyyətinə görə Firudin Süleyman oğlu Hacıyev 2-ci dərəcəli "Vətənə xidmətə görə” ordeni ilə təltif edilsin.