"Xoşqədəm xanımın verilişinə baxdım. Evindən qaçan o üç uşaqlı gəlinə həm haqq qazandırıram, həm də yox. Guya mənim atam anamı döyməyib? Guya sizin atanız ananızı heç vurmayıb? Hamı qanundan danışır ki, qadını vurmazlar. Əgər qanun hamı üçün eynidirsə, necə olur ki, qadınlar əsgər gedib ölməməlidir, amma mən əsgər gedib ölməliyəm.

Üç uşaq doğub, amma ərinin bir şilləsinə dözməyib, qaçıb gəlib efirə ki, "ay aman qoymayın”. Bura açıq vağzal deyil! Ər bir şillə vuran kimi gəlirlər ki, "ay aman ərim məni döydü”. Ərin səni döydü, qayınananın, qayınatanın, qohumlarının yanına get. Get polisə şikayət et. Amma ictimailəşdirmək el içində rüsvay olmaqdır. Bu dil ilanı yuvadan çıxarar. Səbr Allahın 101 adından biridir, səbr edin".

Efirdə bubu deyən Tolik fikirlərini sosial şəbəkədə də bölüşüb:

"Bir şilləyə dözməyən qadına baxın. 12 ildir xəstə həyat yoldaşına baxan qadına baxın. Ondan uşaq da doğmaq istəyir. Amma 3 uşağı var, əri içir, döyür o da qaçır gəlir televiziyaya ki, yaşaya bilmirəm. Bəs başqaları nə etsin? Məncə, ailə dağıtmaq lazım deyil. Qız gedib evində otursun, ərinin çörəyini yesin!”

Onun bu fikirləri izləyicilərin etirazına səbəb olub. 

İzləyicilər Tolikə "Bu Tolik lap elə danışdı ki, arvad döyən kişilərin tərəfindədir. Bala, eşşəyi döyərlər, insanı yox”,  "Düz demirsiniz, olmaz efirdə belə fikirlər səsləndirmək”, "Ayıb olsun sizə!” kimi rəylər yazıblar. (yeni sabah)