Səhhəti ilə əlaqədar Türkiyəyə aparılan xalq artisti, tanınmış aktyor Ramiz Əzizbəyli Azərbaycana qayıdıb.

Yenicag.az xalq artisti ilə əlaqə saxlayıb. Aktyor səhhətində müəyyən irəliləyişlərin olduğunu desə də, tam sağalmadığını bildirib:

"1 ildən sonra yenidən Türkiyəyə gedib, müalicəmi davam etdirməliyəm. Xəstəxanada mənə üçayaqlı əsa verdilər, bundan sonra əsa ilə gəzəcəm. Həkimlər deyir ki, bu xəstəliyin bərpası çox vaxt aparır. Nə bilim, təvəkkül Allaha.

Qeyd edək ki, bir neçə ildir ki iflic xəstəliyindən əziyyət çəkən xalq artisti Türkiyənin Romatem Bursa xəstəxanasında müalicə olunub.