İbrahim Məmmədov AzTV-dən çıxarıldı
Cəmiyyət
10:39 / 11.09.2015
1987
Azərbaycan Televiziya və Radio Verilişləri Qapalı Səhmdar Cəmiyyətinin sədri, millət vəkili Arif Alışanov Televiziyada sədr müavini vəzifəsində çalışan İbrahim Məmmədovu bu gün işdən çıxarıb.
Sfera.az reaksiya.az-a istinadən xəbər verir ki, bu haqda məlumat AzTV-dən verilib.
Məlumatı dəqiqləşdirmək üçün AzTV sədrinin köməkçisi Fərman Orucovla əlaqə saxladıq. O, İbrahim Məmmədovun rəsmən işdən çıxarılması xəbərini təsdiq etmədi: "Sədr müavininin işdən uzaqlaşdırılması haqda mütləq ölkə başçısının sərəncamı olmalıdır. Hələlik isə belə sərəncam yoxdur".
Qeyd edək ki, İbrahim Məmmədov əvvəllər "Azadlıq" qəzetində, "Space" və ANS telekanallarında çalışıb.