"MotoMondo Baku" şirkətinin direktor müavini Evelin Abbasovanın  verdiyi müsahibəni təqdim edirik: 

İşinizin tam adı nədir – rəssam, usta, dizayner? Qısaca bu sənət və özünüz haqqında məlumat verərdiniz.

- Mənim ailəmdə hamının istedadı olub. Özü də bu istedad incəsənət sahəsində özünü göstərib. Bizdə demək olar hamı əllə nə isə yaratmağı bacarıb. Mən müəyyən yaşa qədər musiqi ilə məşğul olmuşam, opera müğənnisi diplomu almışam. Amma beş il öncə birdən musiqini atıb metalla məşğul olmağa başladım. Daha doğrusu, mən art-mexanikəm. Bu iş özündə rəssam, dizayner və mexanik bacarıqlarını cəmləyir.

Arzumu reallaşdırıb moto-sənayeyə düşəndən sonra məni hazırkı direktorum, əvvəllər isə moto-klub üzrə məşqçim olmuş Sabir Babayev dəstəklədi. O ölkədə və xaricdə motokressmen kimi tanınır. Ondan başqa işdə mənə Zaur Babayev, İqor Dinegin dəstək olurdular. Onlar mənim yol göstərənlərim, tənqidçilərim, qələbələrimin və uğursuzluqlarımın şahidləridir.

- Bu gün ölkədə art-mexanika ilə, xüsusilə moto-sənayedə bu sahədə məşğul olan başqa heç kim yoxdur. Bəlkə də buna görə mənim işlərimə tələbat var və sifarişləri müəyyən ardıcıllıqla yerinə yetirməli oluram. Axı işlərimin əsas hissəsini əllə edirəm. İşə başlamamışdan öncə işin xüsusiyyətini, hətta ona sahiblənəcək şəxsin xasiyyətini belə fikirləşirəm. Bəlkə də buna görə mənim eyni cür alınan iki işim olmur.

- Ümumiyyətlə, metalla işləmək asan deyil. Hətta adicə yonqarla işləyəndə belə səndən müəyyən fiziki güc və səbr tələb olunur. Bu işdə ən çətini mənəvi aspektdir. Son mərhələdə birdən sənin aylıq əməyinin nəticəsi qırılır. Onda hər şeyi yenidən, sıfırdan başlamalı olursan.

- Statistika apardığımı deyə bilmərəm. Amma sifarişlər əsasən kişilərdən gəlir. Hansı sahələrdə çalışdıqlarını soruşursunuzsa, müxtəlifdir: həkimlər də var, güc stukturlarının işçiləri də, mühəndislər də... Qadınlar isə əsasən sevdikləri üçün hədiyyə sifariş edirlər.

- Mən MotoMondo şirkəti ilə əməkdaşlıq edirəm. Bu, əhaliyə moto-texnikanın təmirini və satışını təklif edən salondur. Biz həmçinin motosikl idarə etmək dərsləri də veririk.

- Bizim məktəbdə xanımlar təlim keçirlər. Amma onlar bunu daha çox inkişaf, drayv üçün edirlər. Amma motosikli məhz nəqliyyat vasitəsi kimi istifadə edən xanımların sayı bir əlin barmaqlarından çox olmaz. Özümdən deyə bilərəm ki, cəmiyyət mənə hörmətlə yanaşır. Yollarda olan hörmətsiz şəxslərin sayı isə azdır və bu çox sevindiricidir.

- Baykerlər öz "dəmir at”larını müxtəlif aksessuarlarla bəzəməyi çox sevirlər. Böyük həcmli motosikl sahiblərində bu maraq daha yüksəkdir. Məncə, hər kişinin daxilində bir oğlan uşağı yaşayır.

- Xaricdə bayker hərəkatı çoxdan müxtəlif istiqamətlər üzrə inkişaf edib. Bizdə isə bu sahə iki istiqamətdədir: idman (məşqlər, yarışlar) və sadəcə moto-yürüş həvəsi. Birgə layihələr əsasən sırf idman xarakterli olur. Məsələn, moto-yarışlarda iştirak.

- İstənilən eksklüziv iş ucuz olmur. Nadir və öz sahəsində tək olan iş əldə etmək istəyən şəxs başa düşməlidir ki, bu, baha olacaq.

- Şəxsən mən art-mexanikanın tədrisi ilə məşğul oluram.

- Şübhəsiz ki, moto-hərəkatda da xuliqanlar var, amma mən elələrinə rast gəlməmişəm. Məsələn, anamdan eşitmişəm ki, ötən əsrin 80-ci illərində elə "sənətkarlar” var idi ki, dairəni bıçaq itiləyənlə iki yerə yonurdular, alınan dairəni motosikletin borusuna birləşdirirdilər. Sürən vaxt mososikli "şaxə qaldırırdılar” və sürtünmədən asfaltda qığılcımlar yaranırdı. Lakin belə sürücülərin əksəriyyəti xəstəxanalıq olurdu. Çünki motosiklin tarazlığını qorumaq mümkün olmurdu. Göründüyü kimi, xuliqanlığın axırı yaxşı olmur.

- Qəribə sifarişlər tez-tez daxil olur. İşimi çox sevirəm. Çalışıram ki, bütün sifarişçilər nəticədən həmişə razı qalsınlar.Fins