Maqazİn

“Həmişə Harri Potter olmaq istəmişəm” – Dünyaca məşhur aktyordan etiraf

“Həmişə Harri Potter olmaq istəmişəm” – Dünyaca məşhur aktyordan etiraf
"Taxt oyunları” serialının baş qəhrəman Kit Harrinqton aktyor kimi əsl xəyalının Harri Potter rolunu oynamaq olduğunu etiraf edib.

Sfera.az xəbər verir ki, "Taxt oyunları”nda canlandırdığı Con Sonu rolu ilə bütün dünyada məşhurlaşan aktyor bu barədə yeni filmi "Con F.Donovanın ölümü və həyatı”nın təqdimatı ilə bağlı "Entertainment Weekly” nəşrinə verdiyi müsahibəsində deyib:

"Həmişə Potter filmində rol almaq istəmişəm”.

31 yaşlı aktyor bir əvvəlki reportajda at minməklə keçən rollardan bezdiyini, başqa formatlarda oynamaq istədiyini bildirib:

"Əslində bu vəziyyət saçlarımı kəsmədiyim üçün kifayət qədər uyğun gəlirdi. Niyə özümü həmişə soyuq, palçıqlı yerlərdə, atların üzərində tapıram, bilmirəm. Zənn edirəm, bu mənə keçmiş həyatımdan qalan arzudur”.

Xatırladaq ki, "Taxt oyunları” serialının çəkilişi artıq başa çatıb. Serialın son – 8-ci sezonu 2019-cu ildə nümayiş olunacaq.

Rəsul

Sfera.az



AdRiver

XƏBƏR LENTİ