Asqıran  insana "çox yaşa, sağlam ol” demək adəti bütün xalqlara məxsusdur. Məna olaraq bir az dəyişik olsa da nəticədə hamısı eyni mənaya gəlir. Məsələn, ingilislərin"god bless you”, almanların "gesundheit”, italyanların "felicita” demələrinin  mənşəyi çox köhnə zamanlara gedir.

Keçmiş dövrdən insanlar həyatın səbəbinin ruh olduğuna, ruhun isə insanın başının içində olduğuna, asqırmağın isə bu həyati gücə zərər verə biləcəyinə inanırdılar. Asqırmanın soyuqdəymə ilə bağlı olması bu inancı daha da gücləndirirdi. İnsanlar asqırıqlarını tuta bilmək üçün bir çox yolları sınadılar. Eramızdan əvvəl dördüncü əsrdə Aristotel və tibbin atası sayılan Hipokratın təlimləri ilə insanlar, asqırmanın başın xarici cisimlərə qarşı bir müdafiə refleksi olduğunu öyrəndilər. Asqırma bir xəstəliyin başlanğıcı olduğu üçün və xəstəliyin sonunun pis bitməməsi üçün asqırma zamanı "çox yaşa”, "sağlam ol” kimi sözlər deyilməyə başlayıb. Təxminən yüz il sonra isə romalılar asqırmanın yaxşı bir şey olduğuna, insanı xəstəlikdən qoruduğuna, asqırmağın qarşısını almağın ölümə səbəb ola biləcəyinə inanmağa başlamışdıar. Artıq asqıran insanlara "təbriklər” və ya "yaxşı şanslar” sözləri də deyilirdi.