Prodüser Tarix Əliyev (Tolik) azərbaycanlı müğənnilərə söz atıb. 

"Yeni Sabah”  xəbər verir ki, o, şəxsi "Instagram” hesabında türkiyəli aşpaz Burak Özdemirin görüntüsünü paylaşaraq, azərbaycanlı müğənniləri sərt tənqid edib:

"Hərdən baxıram Türkiyədəki  məşhur insanlara və bizimkilərə... Deyirəm, bizdə yalnız müğənniləri, nə bilim, hansısa bambılıları çağırıb onları restoranda bəh-bəhlə qonaq edirlər ki,  ay aman, "Instagram”da paylaşsın. Bizim də bəzi düşüklər bir lülə-kababa gedib orda video çəkirlər və ya bir suşiyə, guya, dədələri suşi yeyib! Amma Türkiyədə gedib dağın başında, kasıbı sevindirir. Ona görə də Allah başlarından tökür!!! Allah sizi yalnız onların reklamına möhtac eləsin, bəzi özlərin biznesmen sayanlar! 

Prodüsser kasıbları sevindirməyin əhəmiyyətinə diqqət çəkib:

"Amma əsas bir kasıbı gətirib, ona yemədiyi təamı daddırmaqdır, sevindirməkdir!  Cümən mübarək olsun, ey gözü yalnız reklamda gəzən  yalnız bu dünyasını fikirləşən insan!”

Qeyd edək ki, bir neçə gün öncə "CZN Burak” ləqəbli türkiyəli aşpaz Burak Özdəmir fiziki qüsurlu uşaqları ziyarət edib, sosial şəbəkədə paylaşmışdı.