Gündəm

Göyçay rayonunda 58 ailənin torpaq hüququ pozulub – ŞİKAYƏT

Göyçay rayonunda 58 ailənin torpaq hüququ pozulub – ŞİKAYƏT


Teyyub Mirqasımov Çayarxı kəndində torpaq sahəsi aldıqdan sonra 58 ailənin pay torpaqları "sürüşdüürülüb”. Bu haqda sfera.az saytına ümvanlanmış şikayətdə bildirilir.


Belə ki, Göyçay rayonu Çayarxı kəndində ”Arab bağı” adlanan ərazidə Dövlət aktı ilə (JN-660 – JN-719 saylı Dövlət aktları) 1998-ci ildə 58 ailəyə 26,86 hektar torpaq payıverilib. 1998-ci ildə Göyçay rayon Torpaq şöbəsinin, 2013-cü ildə Dövlət Yerquruluşu Layihə İnstitutunun mütəxəssisləri tərəfindən həmin ərazi natura şəklində ölçülərək mərz nişanları ilə işarə edilməklə payçılara tanıdılıb.


Ötən 20 ildən artıq müddətdə sözügedən pay torpaqlarının sahibləri min bir zəhmətlə və külli miqdarda vəsait hesabına həmin sahələrə meyvə ağaçları əkiblər. 2017-ci ildə Mirqasımov Teyyub Mirəli oğlu həmin ərazidən torpaq sahəsialdıqdan sonra isə payçıların qara günləri başlayıb.


Azərbaycan RespublikasıƏmlak Məsələləri Dövlət Komitəsinin və Daşınmaz Əmlakın Dövlət Reyestri Xidmətinin 16 saylı Ucar Ərazi İdarəsi müütəxəssislərinin səhvi və səhlənkarlığı nəticəsində heç birhüquqi əsas olmadan 1,40 hektar torpaq sahəsi (həmin sahədə torpaq çatışmazlığı olduğu halda) Mirqasımov Teyyub Mirəli oğluna "hədiyyə” edilərək qonşu payçının torpaq sahəsinə əmlak komitəsindən çıxarış verilmiş və 1,40 hektar qanunsuz "hədiyyə” torpağı müdafiə etmişlər.


Nəticədə bütün payçılar 1.40 hektar ölçüdə süürüşdürülərək 20 il ərzində əkdikləri meyvə bağlarını itirmək təhlükəsi ilə üzləşiblər.

 

Hüquqları pozulmuş torpaq sahibləri Azərbaycan Respublikası Prokurorluğu və Respublika Əmlak Məsələləri Dövlət Komitəsindən hansı əsaslarla Mirqasımov Teyyub Mirəli oğluna 1,40 hektar torpaq sahəsinin verilməsinin araşdırılmasını və məsələyə hüquqi qiymət verilməsini xahiş edirlər.

XƏBƏR LENTİ

«    May 2019    »
B.eÇ.aÇC.aC.Ş.B
 12345
6789101112
13141516171819
20212223242526
2728293031