Müğənni Elnarə Xəlilovanın "Evrovision 2016" təmsilçimiz Səmra Rəhimlinin geyimi ilə bağlı iradları birmənalı qarşılanmayıb. Sosial şəbəkə istifadəçiləri Elnarə Xəlilovanın müxtəlif cür açıq-saçıq fotolarını paylaşıb, xoşagəlməz şərhlər yazıblar. "Guya özün heç yerini açmamısan ki?", "Sənin geyimlərin ondan bərbad idi" , "adam keçmişini unutmaz, ən yaxşısı otur evində bozbaşını bişir" və s. bu kimi şərhlərə E. Xəlilova cavab verib: 

"Yazdığım statusla bağlı müzakirələri bitirin və nöqtə qoyun. Mən Azərbaycan üzrə təşkilatçıları tənqid etmişəm. Təmsilçi ilə işim yoxdur. Hər qoç öz ayağından asılacaq. Səmranı da, Elnarənin keçmişini də rahat buraxın”.