Gürcüstanda Azərbaycan vətəndaşı 15 il müddətinə həbs olundu
19:55 / 15.03.2019
3712
Ötən ilin mayında Türkiyədən Gürcüstana narkotik vasitələri qanunsuz keçirməyə cəhd edən Azərbaycan vətəndaşının məhkəməsi keçirilib.
Sfera.az "Report”-a istinadla xəbər verir ki, Axalkalaki Rayon Məhkəməsi Ş.H. adlı Azərbaycan vətəndaşını ittiham üzrə günahkar olduğunu sübut edib.
Məhkəmənin qərarı ilə 1982-ci il təvəllüdlü Azərbaycan vətəndaşı 15 il müddətinə azadlıqdan məhrum olunub. Həmin şəxsin narkotik vasitələri Gürcüstana keçirdiyi avtomobili dövlət hesabına müsadirə olunub.
Qeyd edək ki, Azərbaycan vətəndaşı 2018-ci ilin mayın 7-də Gürcüstan-Türkiyə sərhədində yerləşən "Kartsaxi” sərhəd-keçid məntəqəsində saxlanılıb. Ona məxsus "Mercedes Benz” markalı avtomobildə axtarış zamanı ümumi çəkisi 11,1992 qram olan 1 400 ədəd suboksin həbi aşkar olunub.