Goranboyda iki avtomobil toqquşub.

Sfera.az xəbər verir ki,  hadisə rayonun Qızılhacılı kəndində baş verib. Belə ki, "Lexus" markalı minik avtomobili "VAZ-2115” markalı maşınla toqquşub. Qəza nəticəsində biri yüngül olmaqla iki nəfər xəsarət alıb.

Xəsarət alanlardan birinə baxış keçirilərək tibbi yardım göstərilib, durumu ciddi olan 1996-cı il təvəllüdlü Həsənov Famil Münasib oğlu isə xəstəxanaya yerləşdirilib.

Faktla bağlı araşdırma başlanılıb. (apa)