Sfera.az xezerxeber.az-a istinadən bildirir ki, Gəncədə, Cavadxan qəsəbəsində Mingəçevir şəhər sakini Bəhruz Mikayıllının kirayədə qaldığı evə iki naməlum şəxs oğurluq məqsədi ilə daxil olub. Ev sahibinin qonşuları ilə birlikdə qayıtdığını görən oğrular əllərindəki tapançaya bənzər alışqan və bıçaqla onları hədələyib.

Lakin qonşuların səyi nəticəsində soyğuncular saxlanılaraq polisə təhvil veriliblər.

Aparılmış araşdırma nəticəsində evə basqın edənlərdən tapançaya bənzər alışqan, 3 ədəd bıçaq, 2 cüt əlcək, kəndir, habelə evdən oğurladıqları 1 ədəd mobil telefon və 1 gümüş üzük götürülüb. Bundan əlavə dəstənin digər üzvləri də aşkarlanıb.

Bakıda isə mebel salonunun qabağından içərisində pul və sənədlər olan qadın çantası oğurlanıb.

Salonunn qabağından asta -asta keçən şəxs avtomobilin içərisindəki çantanı görərək qəfil dayanır. Bir müddət ətrafa nəzər yetirdikdən sonra maşına yaxınlaşaraq içərisindən çantanı götürür. Daha sonra həmin şəxs sürətlə ərazidən uzaqlaşır.

Hadisə Qara Qarayev prospekti 39/47 ünvanında baş verib.Təhlükəsizlik kameralarına düşən görüntülərdə oğurluqda şübhəli bilinən şəxsin üzü də aydın görünür. Faktla bağlı Nizami rayon 25 ci polis bölməsində araşdırma aparılır.