Qax rayonunda xəstəxanada ölüm hadisəsi baş verib.

Sfera.az xəbər verir ki, hadisə Qax rayon Mərkəzi Xəstəxanasında baş verib.

Balakən rayon sakini, 1997-ci il təvəllüdlü Rəyisə Layıcova burun çəpərinin deformasiyası ilə əlaqədar Qax rayon Xəstəxanasına müraciət edib.

Xəstəxanın lor-həkimi Əkrəm İmaməliyev tərəfindən əməliyyat edilərkən qızın vəziyyəti cərrahiyyə masasında qəflətən pisləşib.

Tibbi müdaxilələrə baxmayaraq xəstə dünyasını dəyişib.

Faktla bağlı Qax rayon Prokurorluğunda Cinayət Məcəlləsinin 314.2-ci (səhlənkarlıq, zərərçəkmişin ölümü ilə nəticələndə) maddəsi ilə cinayət işi başlanıb.