İspaniya "Barselona"sının futbolçusu Artur Ramos İngiltərə "Liverpul"u ilə Çempionlar Liqasının ilk yarımfinal oyunu ərəfəsində qarət olunub. 

Oğrular matç zamanı 23 yaşlı yarımmüdafiəçinin evinə giriblər. Cinayətkarlar evin boş olacağına əmin olsalar da, braziliyalı oyunçunun bacısı ilə qarşılaşıblar. Futbolçunun bacısı həmin şəxslərə mane olmağa çalışıb, lakin oğrular onu təhdid ediblər. Hadisə zamanı Artur Ramosun saatı olurlanıb, bacısı isə xəsarət almayıb. 

Qeyd edək ki, görüş "Barselona"nın 3:0 hesablı qələbəsi ilə yekunlaşıb. İngiltərədəki qarşılaşma mayın 7-də olacaq.