Fransada yaşayış binasında güclü yanğın: ölənlər var - FOTO
08:47 / 05.02.2019
2728
Fransada baş verən güclü yanğında ölənlərin sayı 7 nəfərə çatıb.
Bu barədə RTL radiostansiyası xəbər verir.
Məlumata görə, hadisə Parisin 16-cı dairəsində, Erlenje küçəsindəki yaşayış binasında baş verib. Hadisə yerinə 200-ə yaxın yanğınsöndürən cəlb edilib.
Radiostansiyanın məlumatına görə, yanğın zamanı həmçinin 28 nəfər xəsarət alıb. Yaralılardan birinin vəziyyəti ağırdır.
Hadisənin başvermə səbəbi məlum deyil.
Daha əvvəl bildirilirdi ki, yanğın zamanı 4 nəfər həlak olub, daha 25 nəfər yaralanıb.
