Bakıda Formula-1 üzrə keçirilən Azərbaycan Qran-prisində sürpriz hadisə baş verib.

Bu, iyunun 22-də pit yolunda gəzinti zamanı yaşanıb.

Belə ki, Qraham Barker adlı ingiltərəli fanat "Mercedes” komandasının boksunda bolidin ön tərəfinə üzük salaraq, rəfiqəsi Viktoriya Uilliamsa evlilik təklif edib. Qarşı tərəf isə onun istəyini müsbət qarşılayıb.

Maraqlıdı ki, Formula-1 həvəskarı bunu Luis Hamiltonun avtomobili önündə edib.

Qeyd edək ki, bu planın baş tutmasında bir neçə həvəskar Barkerə yardımçı olub.