Fiziki şəxslər idxalı artırır – Bu il yeni rekord göstərici qeydə alınıb
11:21 / 16.09.2021
560
Bu il fiziki şəxslər tərəfindən idxal edilən malların həcmində artım davam edib.
Dövlət Gömrük Komitəsinin məlumatına görə, yanvar-avqust dövründə fiziki şəxslər tərəfindən idxal edilən malların dəyəri ötən illə müqayisədə 229 milyon dollar, yaxud 37,4 faiz artaraq 841,8 milyon dollara çatıb. Artımın böyük olması səbəbindən fiziki şəxslər tərəfindən gətirilən malların ümumi idxalda payı 11,45 faizə yüksəlib.
Sfera.az bildirir ki, bu il fiziki şəxslərin idxalında qeydə alınan göstərici indiyə qədər müşahidə edilən ən yüksək göstəricidir. Fiziki şəxslər 2018-ci ilin yanvar-avqust ayları ərzində 387,7 milyon dollar, 2019-cu ilin eyni dövründə 599,5 milyon dollar, 2020-ci ilin səkkiz ayında 612,3 milyon dollar dəyərində idxal həyata keçirib. Müqayisə göstərir ki, 2018-ci ilə nisbətən idxalın dəyərində 2,17 dəfə artım baş verib.
Vasif
Sfera.az