Fazil Məmmədovun rektor qohumundan Xocalı ilə bağlı BİABIRÇI SƏHV - FOTOFAKT
10:55 / 26.02.2018
7247
Azərbaycan Universitetinin Xocalı soyqırımının 26-cı ildönümü ilə bağlı keçirdiyi tədbirdə rektor Səadət Əliyeva çıxışı zamanı kobud səhvə yol verib.
Sfera.az xəbər verir ki, rektor Səadət Əliyeva ermənilərin Xocalıda törətdikləri soyqırımın tarixi ilə bağlı ciddi səhv edib.
Rektor çıxışı zamanı deyib:
"1992-ci il yanvarın 26-dan 27-nə keçən gecə Xocalıda törədilənlər keçən əsrin ən dəhşətli faciəsi, vəhşilik aktıdır...".
Daha sonra tədbirdən hazırlanan material və rektorun çıxışı universitetin rəsmi internet saytında da səhv olaraq yerləşdirilib.
Qeyd edək ki, Azərbaycanın rəsmi və mötəbər xəbər agentlikləri də rektorun çıxışındakı səhvlərə diqqətsiz yanaşaraq, olduğu kimi yayımlayıb.
Onu da bildirək ki, Səadət Əliyeva vergilər naziri Fazil Məmmədovun bacısı qızıdır.