Gələn il Niderlandın Rotterdam şəhərində baş tutacaq "Eurovision” mahnı müsabiqəsinin rəsmi sloqanı açıqlanıb.

Sfera.az  xəbər verir ki, müsabiqənin rəsmi Yutub kanalında yerləşdirilən videoda ilk dəfə "Eurovision-2020”nin sloqanı - "Open Up!” ("Açıl!”) səsləndirilib.

"Open Up!” şüarı məqsədli şəkildə natamam səslənir: bir-birimizə açılaq. Musiqiyə açıl. Rotterdama açıl. Seçəcəyiniz hər şeyə açıq olun - şüarı özünüzəməxsus şəkildə tamamlamaq üçün azadlığı hiss edin”, - "Eurovoision TV” müsabiqənin icraçı prodüseri Sits Bakkerin sözlərini sitat gətirir.