Ermənistanda yeni sxem - qızılları ver, rahat yat
13:05 / 16.01.2019
2399
Ermənistanda korrupsiyanın yeni növü kəşf edilib. Bunu "Ərik ölkəsi" partiyasının rəhbəri Zauri Postacyan bildirib. Onun sözlərinə görə, bu işlə hökumətin yaratdığı "Mənim addımım" fondu məşğul olur. Fond klassik korrupsiya sistemi ilə işləyir.
Fondun rəhbəri, baş nazir Nikol Paşinyanın arvadı Anna Akopyandır. O, artıq cəmiyyətdə neqativ fikirlərə səbəb olan bəzi addımlar atıb. Söhbət keçmiş yüksək rütbəli məmurlar, oliqarxların arvadlarının şantajından gedir. Onlardan bütün zinət əşyalarını fonda vermək tələb edilir. Sonra isə rahat yata bilərlər.
Belə gediş sayəsində həbsdə olan bir neçə məmur artıq azad edilib. Fondların büdcələrini doldurmaq üçün yoxsul Ermənistanda başqa gəlir mənbəyi yoxdur. Bunun üçün də Paşinyanın ailəsi könüllü yardım adı altında korrupsiya sistemlərini yaradıblar.