Ermənistanda ÇEVRİLİŞ başlayır - Proseslər Dağlıq Qarabağ məsələsinin həllinə necə təsir edəcək?

Ermənistanda ÇEVRİLİŞ başlayır - Proseslər Dağlıq Qarabağ məsələsinin həllinə necə təsir edəcək?
Ermənistanda Serj Sarkisyanın baş nazir təyin edilməsinə görə, ölkədə keçirilən etiraz aksiyaları səngimək bilmir. Artıq Irəvanda hərbçilər aksiyaçıların tərəfinə keçiblər.

Bu gedişat isə hakimiyyət çevrilişini proqnozlaşdırmağa əsas verir. 

Politoloq Elxan Şahinoğlu Sfera.az-a açıqlamasında Ermənistanda baş verən hadisələrlə bağlı proqnozunu açıqlayıb:

"Müxalifətin gücü artarsa, Sarkisyana qarşı müqavimət güclənərsə, mümkündür ki, ölkədə vətəndaş müharibəsi baş versin. Lakin inanmıram ki, Sarkisyan asanlıqla hakimiyyətdən imtina etsin. 2008-ci ildə 10-larla vətəndaşını qətlə yetirərək hakimiyyətini möhkəmləndirib”.

Hakimiyyət çevrilişinin Qarabağ probleminə necə təsir edəcəyindən danışan E.Şahinoğlu bildirir ki, Köçəryan və Sarkisyan rejimi 20 ildir ki, ölkəni girov vəziyyətində saxlayıb: 

"Ermənistanda bu dəyişikliklər zamanı işğal və soyqırımla heç bir əlaqəsi olmayan yeni qüvvələr hakimiyyətə gələ bilər. Hər an hər şey baş verə bilər. Hansısa generalın müxalifətin tərəfinə keçməsi müşahidə olunarsa, deməli çevriliş artıq başlayır”.

Nigar Məhərrəm
Sfera.az
AdRiver
loading...

XƏBƏR LENTİ