Sfera.az xəbər verir ki, bu barədə "Hetq.am” yazıb. Nəşr qeyd edir ki, Sarkisyan öz bəyanatında istefanın bir neçə səbəbini qeyd edib, lakin onların real səbəblərlə çox az əlaqəsi var. İstefasının əsl səbəbi ən azı prezident seçilənə qədər başqa ölkənin vətəndaşı olması idi. Xüsusilə, Sarkisyan yaxın vaxtlara qədər Karib hövzəsindəki ada dövlətin - Sent-Kits və Nevisin vətəndaşı olub.

Sarkisyan başqa vətəndaşlığın olub-olmaması barədə suala isə sübut təqdim etməyi təklif edib. Mövcud məlumatları təqdim etdikdən sonra öz versiyasını irəli sürüb. Xüsusilə, o, uzun illər əvvəl bu ölkəyə (mehmanxana biznesi -Red) sərmayə qoyduğunu, bundan sonra payını ailəsinin bir üzvünə (2013-cü ildə Böyük Britaniyaya səfir təyin olunmazdan əvvəl) təhvil verdiyini bildirib.

Sent-Kits və Nevis ölkəsi investisiya qarşılığında vətəndaşlıq verir. Sarkisyanın sözlərinə görə, o, xəbərdarlıq edilmədən vətəndaşlıq alıb. 2013-cü ildə o, səfir təyin olunmazdan əvvəl vətəndaşlıqdan imtina edilməsi barədə sənədlərin hazırlanması üçün göstəriş verib. Lakin 2017-ci ildə Sarkisyana prezident olmaq təklifi gələndə onun bu sərəncamı yerinə yetirmədiyi məlum olub. Bu məsələni həll etməli olan şəxs isə vəfat edib, Sarkisyan oğluna məktub yazıb və ondan prosesi başa çatdırmağı xahiş edib.

Belə çıxır ki, Sarkisyan prezident seçilməzdən bir müddət əvvəl ada dövlətinin vətəndaşlığından imtina prosesinə başlayıb. Bu isə o deməkdir ki, o, bu vəzifəyə seçilə bilməzdi. Qəzet yazır: "Bütün fərmanlar, o cümlədən qanunlar, təyinatlar, seçkilər (hətta baş nazirin təyin edilməsi də) qanunsuzdur”.

A.Sarkisyan vətəndaşlığının dondurulmasını xahiş etdiyi andan özünü Sent-Kits və Nevisin vətəndaşı hesab etmədiyini bəyan edib. Prezident böyük ehtimalla Ermənistana qayıtmayacaq, çünki saxtakarlıq zəminində cinayət təqibi ilə üzləşə bilər.

Qeyd edək ki, Ermənistan Prezidenti Armen Sarkisyan istefa verib. O, qeyd edib ki, onun istefasına səbəb ölkənin daxili və xarici siyasətinə təsir rıçaqlarının olmaması ilə əlaqədardır. Ermənistan Konstitusiyasına əsasən növbədənkənar prezident seçkilərinə qədər dövlət başçısının səlahiyyətlərini Milli Məclisin spikeri Alen Simonyan icra edəcək.

 

(Sfera.az)