Türkiyə prezidenti Rəcəb Tayyip Ərdoğan iş adamı Rza Zərrabın Mayamidəki həbsindən danışıb.

BiG.AZ-ın Türkiyə mətbuatına istinadən verdiyi məlumata görə, prezident bildirib ki, bu məsələ Türkiyə üçün əhəmiyyətli xarakter daşımır. O, Rza Zərrab haqqında bunları deyib:

"Bu mövzu ölkəmizi maraqlandıran bir məsələ deyil. Bu, bir "çirkli pulların yuyulması"dır, ya yox, həbsin səbəblərin bilmədən danışmaq istəmirəm. Əsl çirkli pullar yuyanların ataları Pensilvaniyada yaşayır. Onlar üçün bir şey etdilərmi? Rza bəyin vəkilləri lazım olanları deyəcəklər".

Qeyd edək ki, Cənubi Azərbaycandan olan iş adamı Rza Zərrab eyni zamanda müğənni Ebru Gündeş ilə evlidir. O, ABŞ-ın İrana qoyduğu embarqoları pozmaq, çirkli pulların yuyulması, dövləti aldatmaq ittihamları ilə həbs olunub. Məşhur iş adamının məhkəməsi aprelin 4-də baş tutacaq.