Bu gün Türkiyənin məşhur iş adamı Mustafa Qoçun dəfn mərasimi keçirilib.
Sfera.az femida.az-a istinadən xəbər verir ki, mərasimə Prezident Rəcəb Tayyib Ərdoğan, Baş nazir Əhməd Davudoğlu, CHP sədri Kamal Kılıçdaroğlu və digər şəxslər qatılıb.

Mərhumun cənazə namazında isə diqqət çəkən hadisə baş verib. Ərdoğan və Davudoğlu Kılıçdaroğlunun yanından keçərək müxalif liderlə görüşməyiblər.

Xatırladaq ki, bir neçə gün öncə Kılıçdaroğlu parlamentdə Rəcəb Tayyib Ərdoğanı sərt tənqid etmişdi. Ərdoğan da öz növbəsində müxalif lideri məhkəməyə verərək, 100 min türk lirəsi məbləğində təzminat tələb edib.