Vaşinqtonda keçiriləcək görüşdə Mustafa Al-Kazimi Cozef Baydenlə ölkəsində ABŞ silahlı qüvvələrin mövcüdluğuna son qoyulması məsələsini müzakirə etmək niyyətindədir.

 

Məsələ ilə bağlı Sfera.az-a danışan Bakı Politoloqlar Klubunun rəhbəi Zaur Məmmədli ABŞ-ın İraqla bağlı siyasətinin fərqli olacağını deyib:

"İraqla bağlı məsələ Əfqanıstandan sonra aktual olacaq. Hələ ki, ABŞ və NATO üçün əsas məqam Əfqanıstandan çıxmaqdır. İraq Əfqanıstandan fərqli geosiyasi əhəmiyyətə, zəngin enerji resurslarına malikdir, o cümlədən Yaxın Şərqin qovşağında yerləşir. Ona görə də Vaşiqtonun Bağdad və Kabillə siyasətinin eyni olacağını düşünmürəm. Hər halda həm Əfqanıstanda, həm də İraqda ABŞ-ın gəlişindən sonra nə qədər paradoksal səslənsə də İranın və ona yaxın qrupların güclənməsinin şahidi olduq.

Politoloq türk qüvvələrinin Kabil hava limanına nəzarət etdikdən sonra İraqda hakim mövqeyə sahib olacağını deyib:

"Hər halda İraq, Əfqanıstan və s bu kimi dövlətlərdə daxili sabitliyi əldə etmək üçün qərarlar qəbul edərkən çox kövrək yanaşma lazımdır. İraq və Əfqanıstanın bu vəziyyətə salınmasının ən böyük baiskarının kimlər olduğunu bilirik. O dövlətlər ki, bu illər ərzində bölgədə sabitlik yarada bilmədilər və əksinə bölgəni terror yuvasına çevirdilər. Çox təəssüf ki, region ölkələri bu hadisələrdən əziyyət çəkir. Hər halda əgər ABŞ ordusunun İraqdan çıxarılması ilə bağlı qərar qəbul olunarsa və Əfqanıstanda olduğu kimi estafet Türkiyə tərəfinə verilərsə, bu addım Türkiyənin, demək olar ki, bütün İraqı ələ almasına gətirib çıxaracaq.

 

Əzizə Zeynal