Son günlər qonşu ölkələrdə ölümcül AH1N1 (“donuz qripi”) virusu kəskin şəkildə yayılıb. 

Tükiyədə 8 nəfər, Ermənistanda isə 27 nəfər bu xəstəliyə yoluxub. Bəs qonşu ölkələrdə bu virusun yayılması Azərbaycan üçün həyəcan təbili çalmağa əsas verirmi?

Məsələ ilə bağlı Respublika Gigiyena və Epidemiologiya Mərkəzində Baş direktorun epidemiologiya məsələləri üzrə müavini Afaq Əliyeva aznews.az-a müsahibə verib.

- Hazırda bizə həmsərhəd olan ölkələrdə bu xəstəlik yayılıb. Bununla əlaqədar olaraq ölkəmizin sərhəd keçid məntəqələrində bütün təhlükəsizlik tədbirləri həyata keçirilir. Yəni ölkə ərazisinə gələn bütün nəqliyyat vasitələri dezinfeksiya olunur. Həmçinin xəstəlik qeydə alınan ölkələrdən Azərbaycana gələn insanlar sərhəd keçid məntəqələrində müayinədən keçirilir. Yəni onlar müşahidə altında saxlanılır. Bizə verilən məlumata görə hələ ki, bu günə kimi ölkəmizdə belə bir fakt qeydə alınmayıb. Hələ bu ilin dekabr ayında İranda bu hadisələr qeydə alınanda Səhiyyə Nazirliyi tərəfindən xüsusi əmr imzalanıb. Həmin əmrdə qrip və digər kəskin temperatur xarakterli xəstəliklərə görə bütün tədbirlərin gücləndirilməsi nəzərdə tutulub. Bütün tədbirlər bu gün də həyata keçirilir. Xəstəxanlarda, klinikalarda, mərkəzi rayon xəstəxanalarında hər hansı hadisə qeydə alınan zaman onların müalicəsi üçün bütün şərait var. Bu sahədə böyük iş aparılır. Məsələn, keçən ilin nəticələrinə görə 1400-ə yaxın belə xəstədən, yəni hərarəti olan xəstələrdən laborator müayinə götürülüb. Heç birində qrip xəsətəliyi qeydə alınmayıb. Bu ilin əvvəlindən bu günə kimi həmin müayinələr yüksək səviyyədə davam etdirilir. Bununla biz bu xəstəliyin Azərbaycana gətirilməsini qarşını ala bilərik. Laki onu deyə bilərəm ki, Azərbaycanda qrip xəstəliyi, hətta digər mövsümü A və B virusu ilə yayılan qrip xəstəliyi də yoxdur. 

- “Donuz qripi” adlı AH1N1 virusu ilə yayılan xəstəlik keçicidir. Bu, donuzlara xas olan virusdur. Ona görə də donuz əti istehlak edənlərin yoluxma riski yüksəkdir. Düzdür bizdə o qədər də donuz məmulatlarından və ətindən istifadə olunmur. Lakin digər ölkələrdə istifadə edənlər kifayət qədərdir və bu, hava damcısı yolu ilə yayılır. Virusa yoluxmuş şəxs ölkəmizə gəlməzsə, yayılma halı da olmaz. 

- İlk növbədə hər hansı kəskin temperatur viruslu xəstə həkimə müraciət etməlidir ki, ona xəstəlik diaqnozu qoyulsun. Bu xəstəliyin müalicəsi düzgün aparılmalıdır. Xəstə insan əgər cəmiyyətə, iş yerinə, oxuduğu məktəbə getməzsə, digərləri ilə təmasda olmazsa xəstələyin yayılmasının qarşısı alınar. Eyni zamanda viruslu insan əgər təcrid olunarsa, həkim nəzarəti altında müalicə alarsa, bu xəstəliyini yüngül keçirər. Bu zaman hər hansı ağırlaşma baş verməz. 

- Vaxtında hər bir insan hansı xəstəlik olursa-olsun həkimə müraciət edərsə, müalicəyə cəlb olunarsa, bu zaman ölüm faizi aşağı olar. Bütün xarici ölkələrdə bu xəstəliyə tutulanların haradasa bir necə faizi ölümlə nəticələnir. Çünki vaxtında həkimə müraciət edilmir. Əgər vaxtında virus aşkar olunub müalicə olunarsa, o zaman ölüm hadisəsi olmaz.