Dollar sürətlə ucuzlaşır
İqtisadiyyat
20:59 / 29.07.2016
1830
ABŞ dolları avroya nisbətdə sürətlə ucuzlaşmağa başlayıb.
Sfera.az "APA-Economics”ə istinadən xəbər verir ki, buna II rübdə ABŞ iqtisadiyyatının proqnozlaşdırılandan daha az artması səbəb olub.
ABŞ-ın Ticarət Nazirliyinin bu gün açıqladığı statistikaya əsasən, II rübdə ÜDM illik müqayisədə 1,2% artıb. "Bloomberg” agentliyinin ekspertləri isə bu rəqəmin 2,5% olacağını proqnozlaşdırıb.
Yenidən baxılan göstəricilərə əsasən, ABŞ iqtisadiyyatı 1,1% deyil, 0,8% artıb. Bu isə 2 illik minimum göstəricidir.
Bu statistika açıqlandıqdan sonra avro 1,1058 dollardan 1,1152 dollaradək bahalaşıb.
Bununla yanaşı, dollar Yaponiya yeninə qarşı 105,4 səviyyəsindən 102,88-dək enib.
Yenin bahalaşmasına səbəb Yaponiya Bankının monetar siyasətin bir qədər yumşaltması barədə qəbul etdiyi qərar olub. Bununla Mərkəzi Bank iqtisadi artımı və inflyasiyanın 2%-lik səviyyəyə çıxmasını dəstəkləmək niyyətindədir.
Qeyd edək ki, Azərbaycanda avqustun 1-nə USD/AZN rəsmi məzənnəsi 1,5851 səviyyəsində müəyyən olunub.