5 yaşlı Lina Medinanın qarnı şişməyə, böyməyə başlayanda valideynləri qoruxya düşərək onu hospitala aparmışdılar. Müayinəyə başlayan həkimlər əmin idilər ki, Linanın qarnında böyük şiş var. Lakin testlər seriyasından sonra bəlli oldu ki, balaca Lina hamiləliyin 7-ci ayındadır.

Milli.Az O Globo-ya istinadən bildirir ki, bir neçə ay sonra o, oğlunu dünyaya gətirdi və dünyanın ən azyaşlı anası oldu.

1933-cü ildə Perunun Antakança şəhərində anadan olmuş Linanın valideynləri çox yoxsul idilər.

1939-cu ilin mayın 14-də isə Lina qeysəriyyə əməliyyatı yolu ilə ana oldu. Onun dünyaya gətirdiyi, 2,7 kq çəkisi olan oğluna Herardo adı verilmişdi.

Linanın atası qızını zorlamaq şübhəsi ilə tutulsa da, yetərli sübutlar olmadığından buraxılmışdı. Bu səbəbdən Linanın oğlunun atasının kimliyi bilinmir.

Herardo isə Linanı bacısı sayaraq böyüyürdü. Yalnız 10 yaşına çatanda ona "sənin anan Linadır" demişdilər. Herardo 1979-cu ildə, sümük xəstəliyindən ölüb.

İllər sonra Raul Huradoya ərə getmiş Lina 1972-ci ildə ikinci oğlunu dünyaya gətirmişdi. Ailə Perunun paytaxtı Limanın "Chicago Chico" adlı gecəqondu məhəlləsində yaşayırdı.

Lina Medina 2015-ci ilin noyabrın 8-də infarktdan vəfat edib.