Son günlər Bakı kəndlərində səyyar həkim adı ilə şəxslərin evlərə gələrək şəkərli diabet yoxlaması barədə məlumat yayılıb. Məlumatlarda bildirilir ki, bu şəxslər diabeti yoxlamaq adı ilə insanlara QİÇS xəstəliyini yoluxdurur. Hətta bir sıra sosial şəbəkələrdə bununla bağlı xəbərdaredici məlumatlar da yayılır.

Sfera.az bildirir ki, məsələ ilə bağlı Publika.az-a məlumat verən Səhiyyə Nazirliyi mətbuat xidmətinin əməkdaşı Səfayə Əhmədova belə məlumatdan xəbərdar olsalar da, bunun həqiqəti əks etdirmədiyini deyib:

"Bunlar Vatsapda yayılmış yalan məlumatlardır. Bu məlumatı araşdırdıq. Heç kimin evinə gedib, şəkərli diabeti yoxlanması, QİÇS-ə yoluxdurulması faktı yoxdur. Ümumiyyətlə, indi kim tanımadığı şəxslərə qapını açır? Adətən, belə hallar olanda insanlar nazirliyə də müraciət edirlər. Lakin bu cür müraciətlər də qeydə alınmayıb. Yəni həmin xəbərlərin heç bir əsası yoxdur”.