Bu gecə Bakının ən işlək küçə və prospektində nəqliyyatın hərəkəti məhdudlaşdırılacaq.

Azəravtoyol ASC-dən Sfera.az-a verilən məlumata görə, axşam saat 22:00-dan etibarən Səbail rayonu, İstiqlaliyyət küçəsində, 24:00-dan etibarən isə Neftçilər prospektinin Rəşid Behbudov küçəsi ilə kəsişmədən Yusif Səfərov küçəsi ilə kəsişməyədək olan hissəsində yeni üfüqi nişanlanma xətlərinin çəkilməsi işləri aparılacaq.

Adı çəkilən ərazidə işlərin aparılması ilə əlaqədar olaraq avtonəqliyyat vasitələrinin hərəkəti tam və ya qismən mədudlaşdırılacaq.

Rənglənmə işləri səhər saatlarınadək yekunlaşdırılacaq.

Qeyd edək ki, rənglənmə işlərinə ötən gündən start verilib.

Sfera.az