Deputatlığa namizədlərin sayı 1246 nəfərə çatdı
04:01 / 11.10.2015
1485
MSK-da iclas keçirilib.
Azərbaycanda noyabrın 1-də keçiriləcək parlament seçkilərində 1246 nəfərin deputatlığa namizədliyi qeydə alınıb.
Sfera.az oxu.az-a istinadən bildirir ki, bunu Mərkəzi Seçki Komissiyasının (MSK) sədri Məzahir Pənahov bu gün keçirilən iclasda deyib.
M.Pənahov qeyd edib ki, dairə seçki komissiyalarında 17 minə qədər, MSK-da isə 167 müşahidəçi qeydiyyatdan keçib.
İclasda həmçinin namizədliyin qeydə alınmasından imtina ilə bağlı dairə seçki komissiyalarının qərarları ilə bağlı MSK-ya daxil olmuş bir neçə müraciətə baxılıb.
Baxılan müraciətlərin 2-i üzrə DSK-nın qərarı ləğv edilərək müraciət təmin edilib.