Deputatlar zibil toplayacaq
13:40 / 09.08.2019
1403
Deputatlar zibil toplamaq üçün Xəzərin sahilinə gedəcəklər.
Bu gün Buzovna qəsəbəsində Ekologiya və Təbii Sərvətləri Nazirliyi ilə Yeni Azərbaycan Partiyasının birgə təşkilatçılığı ilə "Biz birlikdə, Xəzərin Müdafiəsində birik" şüarı ilə dəniz sahilinin tullantılardan təmizlənməsi aksiyası keçiriləcək. Bu barədə Trend nazirliyin mətbuat xidmətinə istinadən məlumat yayıb.
Mətbuat katibi İradə İbrahimovanın açıqlamasına görə, Xəzər Günü ərəfəsində yüzlərlə insanın iştirakıyla baş tutacaq aksiyanın məqsədi təkcə dəniz kənarını plastik butulkalardan və digər tullantılardan təmizləmək yox, həm də sakinlər üçün dəniz çimərliyini təmiz saxlamaq, Xəzərin çirklənməsinə qarşı etiraz ifadə etmək üçün nümunə olmaqdır.
Bu gün, 9 avqustda keçirilməsi planlaşıdırılan aksiyada deputatlar, intelligensiya nümayəndələri, tanınmış mədəniyyət və incəsənət xadimləri, könüllülər, həmçinin ekologiya qurumlarının təmsilçiləri iştirak edəcəklər.
"Ümid edirik ki, hər kəs ətraf mühitə, çimərliklərə, Xəzərin təmizliyinə məsuliyyətlə yanaşacaq və gələcəkdə belə aksiyaların keçirilməsi əlacsızlıqdan qaynaqlanmayacaq", - İbrahimova deyib.