45 yaşlı mütəxəssis Dembelenin yerinə PSG-nin hücumçusu Neymarın transfer edilməsinin əleyhinədir.

Dünya və Avropa çempionu bu müqayisədə həmyerlisinə üstünlük verir: "Dembeleni çox bəyənirəm. Biz daim Messidən danışırıq. Ancaq bu oğlan da çox yaxşıdı. Bizim uşaqlıqdakı hərəkətlərimizin hamısını o meydanda edir. Usman intizamı sərtləşdirməlidir, ancaq nəzərə alaq ki, hələ gəncdir. O, Barcelona-ın Çempionlar Liqasını və La Liqanı qazanmasına kömək edə biləcək istedada malikdir. Şəxsən mənim seçim imkanım olsa, Dembeleni Neymarla dəyişmərəm. Usmanın cəmi 21 yaşı var, hər iki ayaqla oynayır və topu möhtəşəm idarə edir. Onun potensialı gördüklərimizdən də böyükdür".

Qeyd edək ki, Barcelona-nın Dembeleni satacağı və yerinə Neymarı qaytaracağı ilə bağlı söz-söhbətlər gəzir.