Müğənni Maral Tahirqızının ölümü barədə yayılan xəbərlər həqiqəti əks etdirmir.

Sfera.az bildirir ki, bu barədə müğənninin özü Redaktor.az-a eksklüziv açıqlamasında bildirib. Sənətçinin sözlərinə görə, əslində onun avtomobili yoxdur.

"Ola bilər ki, çoxdandır efirə çıxmıram. Ona görə belə iddialar yayılır. Bu gün səhər qəzaya düşməyimlə bağlı yayılan məlumatlar yalandır. Düzdür, qəzaya düşmüşdüm. Amma bu ötən il baş verib. Allaha şükür olsun ki, həmin dəhşətli qəzadan sağ çıxmışam. Hazırda vəziyyətim yaxşıdır".

Qeyd edək ki, mətbuatda Maral Tahirqızının səhər saatlarında qəzaya düşdüyü və həyatını itirdiyi barədə məlumatlar yayılıb.